Kiwa yoh COVID-19 ha Manipur ynne da ku ki da 57 wa kynthup ya 5 ngut ki Nurse waki Doctor kiwa ym em wan neiwon neiwon, da pyntip ka chnat i chait i khiah ynne ka sngi.
Kini kynthup ki ya 2 ngut ki Doctor wa 3 ngut ki Nurse ki wakreh kawi ha Bishnupur District Hospital wa 2 ngut won ki Nurse ka GBC Staff Quarantine Centre, Churachandpur kiwa da pyntikna wa yoh ya uni u khñiang.
Wa kini, ki wakreh ha i chait i khiah da em ki 6 ngut kiwa yoh wa kynthup ya kawi ka Nurse kawa na Churachandpur kawa da chait.
Neiliang ka chnat i chait i khiah da pyntip ko wa ym em i poor uni u khñiang hapyrdi kiwa chong chnong.
Na kini 52 ngut won, 3 ngut toh na Bishnupur, 21 ngut na Chandel, 8 ngut na Churachandpur, 1 na Imphal East, 10 ngut na Kakching, 3 ngut na Kamjong, 2 ngut na Kangpokpi, 4 ngut na Tamenglong, 1 na Thoubal wa 4 ngut na Senapati, wei ya kini waroh da kit cha thaw sumaar COVID-19.
Wa kini, kiwa yoh COVID-19 da em ki 898 ngut heiwa da em 648 kiwa dang em ya uni u khñiang wa 250 ngut kiwa da chait.
Ya ki wakreh ha Bishnupur District Hospital da booh yaki heithaw wow chong neh ki samen samen pyn hapoh kani ka thaw sumaar.
