Lyngba ka poisa wa mih naka PM CARES Fund Trust da booh bhah T. 2000 Klur wow chna hapoh ka ri ‘Made-in-India’ yaki 50,000 tylli ki kor Ventilators kiwa yarap ya kiwa chitom na u COVID-19 kiwa chem chitom u riñ mynsien kiwa chah sumaar haki Hospital sorkar. Da booh bhah leh T. 1000 Klur neibynta ki wakreh mylla kiwa wan na kiwi ki jylla.
Na kini ki 50,000 tylli ki Ventilators- 30,000 tylli da chna daka M/s Bharat Electronics Limited. Katwa ki 20,000 tylli won da chna daka AgVa Healthcare (10000), AMTZ Basic (5650), AMTZ High End (4000) waka Allied Medical (350).
Hadooh kattæ da dep chna 2923 tylli ki Ventilators heiwa na kini da dep li e 1340 tylli cha ki thaw sumaar heiwa da e cha ka Maharashtra (275), Delhi (275), Gujarat (175), Bihar (100), Karnataka (90), Rajasthan (75). Hadooh wa kut uni u bnai daw li e sa 14,000 tylli ki Ventilator cha waroh ki jylla.
Yaka poisa T. 1000 Klur da dep pynlait cha ki jylla yow yarap ya ki wakreh mylla kiwa wan na kiwi ki jylla. Yaka poisa da bhah deiwa kheiñ yei boon bru katkam ka 2011 Census, i boon kiwa yoh COVID-19 yow yarap e thaw sah, i baam, ki dawai dachin wa i bai kari ya ki wakreh mylla kiwa wan na baar jylla.
Ki jylla wa yoh boon toh Maharashtra (181 Klur), Uttar Pradesh (103 Klur), Tamil Nadu (83 Klur), Gujarat (66 Klur), Delhi (55 Klur), West Bengal (53 Klur), Bihar (51 Klur), Madhya Pradesh (50 Klur), Rajasthan (50 Klur) wa Karnataka (34 Klur).
