Ha jylla Arunachal Pradesh kiwa dang yoh COVID-19 ynne ka sngi da em ki 10 ngut kiwa na Itanagar Capital Complex wa Tawang iwa da pynpoi ya waroh kiwa yoh COVID-19 cha 158 ngut.
Na kini ki 10 ngut, 9 ngut toh kiwa na Itanagar Capital Complex wa 1 na Tawang.
Kiwa na Itanagar toh 2 ngut kiwa liwan na Uttar Pradesh, 1 na Jammu & Kashmir, 1 na Bihar, 1 na Maharashtra, 1 na Assam, 2 ngut na West Bengal wa 1 na Manipur katwa ha Tawang toh wa liwan na Delhi. Ya kini da booh hapoh Covid Care Centre.
Ynne da em leh 16 ngut kiwa da chait kiwa 14 ngut na Changlang District wa mar 1 na West Siang wa Lower Dibang Valley.
Wa kini, waroh kiwa yoh COVID-19 da em ki 158 ngut, heiwa kiwa dang em ya uni u khñiang da em ki 120 ngut wa 38 ngut kiwa da chait.
Ka Changlang District dang man hi ko kawa boon dooh wa em COVID-19 kawa em 60 ngut.
