Shillong: Ka Deputy Commissioner, East Khasi Hills District da pyntip ko wa ki Padma Awards, wa kynthup ya ka Padma Vibhushan, Padma Bhushan wa Padma Shri daw pynbna ha ka lehkmen Republic Day 2021.
Kini ki Award toh neibynta ki kaam wa khroo wa kyrpang ha ki bynta wa boonjait kam ha i thoh i taar, ki jait yalehke Sports, dawai, ki kaam bhalang wa kiwi kiwi khlem kheiñ yei jaitbru, ka niam, chynrang/ kynthai wa kiwi kiwi; ye ki wow yoh ya kani ka Award.
Ki bru samen kiwa na East Khasi Hills District kiwa kwah u tyrwa pyrtuid lyngba ka sorkar wow yoh ya ki Award ye ki wow phah tyrwa (Nomination) cha ka yung krehkaan ka Deputy Commissioner, East Khasi Hills District, Shillong, ha namo chwa ka 14 Naisaphra 2020.
Ya ki yutip wa bniah ye u yoh deiwa Download ya ka Form na ka Website http://eastkhasihills.gov.in.
