Ka seiñ HNLC da yaroh ko ya ka yurim ki heh ka BJP Meghalaya hapoh i yahkhmat u AL Hek wow wanrah yei chongsuk.
Ka seiñ da ong ko wa hadien ki phaw snem wa kular tangdep ki heh saiñpyrthai, katni u AL Hek da chimkti u wow wanrah yei yasuk deiwa rah ya kani ka phang cha u montri rangbahdooh ka ri wa u montri ki kaam pohyung ka ri kamjooh kiwi ki montri ka sorkar pyrdi.
Da pynrap deiwa ong wa ini man i iwa bha wei pdiang ko yeini i tyrwa ka BJP Meghalaya.
Ka seiñ da kyrmen ko wow man ini i kaam iwa jop hapyrdi yong ka waka sorkar pyrdi deiwa pynrap leh wa da yooluti bha ko wow poi noh i por yasuk.
Chooh chooh ka seiñ da ong ko wa da slem wa lai i por wei ka yooluti ko wow sdang i yaklam yasuk hadien ki palat lephaw snem wa da lai.
Heijooh i por da ong ko wa ini i wailaad u AL Hek daw wanrah ko yei mynsien wa chngaaiñ deiwa poi cha ka miej wow yaklam yasuk.
Ka seiñ da ong ko leh wa pdiang ko yeini i tyrwa u AL Hek deiwa kular wow krehlang chirup hajrong kani ka bynta deiwa ong leh wa ka seiñ yooluti ko wa u Hek daw ye u wow kreh wow wanrah yei yaklam yasuk wa u Montri Rangbahdooh ka ri, u Narendra Modi wa kiwi ki heh ka sorkar NDA.
Kani man ko katkam ka yutip na u Saińkupar Nongtraw uwa man kam u General Secretary cum Publicity Secretary ka HNLC.
