Kiwa yoh COVID-19 ha Manipur da tam ki 1000 ngut ynne ka sngi hadien wa em sa 86 ngut kiwa dang yoh.
Katkam wa kyrwoh khubor naka COVID-19 Common Control Room, ki 86 ngut kiwa dang yoh ha kini ki 24 kynta da pynpoi ki ya waroh kiwa yoh cha 1,056 ngut.
Naki 1,056 ngut, 702 ngut toh kiwa dang em ya uni u khñiang katwa 354 ngut toh kiwa da chait.
Ynne da em leh 26 ngut kiwa da chait kiwa da pyntikna deiwa leh yaka RT-PCR Test.
Ki 86 ngut won kiwa dang yoh toh waroh kiwa liwan na kiwi ki jylla, wa kynthup ya 55 ngut na Tamenglong, 12 ngut na Ukhrul, mar 2 ngut na Bishnupur, Churachandpur, Kamjong, Senapati, Thoubal, mar 1 na Imphal East wa Kangpokpi, 3 ngut na Imphal West wa 4 ngut na Kakching.
