Kiwa dang chah ktah ha u COVID-19 ha kini ki 24 kynta itæ hadooh 8 waje i step ynne ka 26 tarik da em ki 17,296 ngut, da pyntip ka Ministry of Health & Family Welfare.
Na kini ki 17,296 ngut, kiwa chait da em ki 13,940 ngut, kiwa dang em ya u khñiang da ku ki da 2,949 ngut katwa kiwa yap da ku da 407 ngut.
Ki jylla wa da hiar kiwa dang em ya u COVID-19 da em ki 14 tylli katwa ka jylla ku dooh kiwa dang em ya uni u khñiang toh ha Delhi wa ku da 1,228 ngut wa pynbood saka Maharashtra kawa em 988 ngut waka Telangana 588 ngut.
Waroh kiwa chait hapoh ka ri da ku cha ka 58.25% deiwa em 285,637 ngut, kiwa dang em ya u COVID-19 da em ki 38.63% kiwa em 189,463 ngut katwa kiwa yap da em ki 3.12% kiwa em waroh 15,301 ngut. Waroh deilang da em 4,90,401 ngut kiwa da chah ktah ha u COVID-19.
Kiwa chait da tam ki ya kiwa dang em COVID-19 da 96,174 ngut.
