Jowai: Ka West Jaiñtia Hills District Police Force deiwa kyrchaan ka District Administration, West Jaiñtia Hills waka Meghalaya Aids Control Society (MACS), Shillong da leh warom ki yaka International Day against Substance Abuse & Illicit Trafficking ynne ka sngi ha Conference Room u SP ka District.
Neiliang u Superintendent of Police u Bikran Marak, MPS, ha i klam wa tbian yong oo da ong u wa da kynmoo ya kani ka sngi yow sñiawthooh yeiwa ktah i drugs. Da ong u wa hajrong ka phang namo ka Theme ha uni u snem wa ong, “Better Knowledge for better Cure” da ong u wa emkaam wow sñiawthooh wow tip bniah chaphang i ktah i drugs yow ye u yaleh pyrchah wei wow ye leh wow kyntiat yei drug. Da sneiñ u yaki khynnah skur wow yait na waroh ki jait drug wei ym toh u chah yah bakla haki lok ki jor. Da ong u leh wa da yooluti u wa ki dur ki dar wa da pynwandur da ki khynnah skur daw pynkhlan chooh chooh ko yei bor pyrkhat kamjooh wow e yei stat yow man ki bru wa chemphang wa kiwa em i kitkhlieh.
U Bijay Chettri, Additional SP, u D.Moksha, Sub Divisional Officer, Amlarem wa u A.Kharkongor, Assistant Director IEC, Meghalaya Aids Control Society, Shillong da e ki yei klam heiyatoh wa i ktah i drugs.
Kam chibynta kani ka sngi, da pynman leh yaka yakob dro duur hapoh ka District neibynta ki Class VII hadooh Class X hajrong ka phang, ‘Drug Abuse and Effects of Drugs’.
Ya kiwa jop da e da ki Certificate waka song poisa ya kiwa yoh nyngkong, wa ar wa ya kiwa yoh wa le, da e leh 10 tylli ki Consolation Prize. Wei waroh da yoh ki yaki Certifications of Appreciation kiwa da em 33 ngut kiwa chimbynta.
Ka S. Mukerjee da e ko yaki ktien e khublei katwa yaka yalang da pynlai daka C.W. Lyngdoh.
