Jowai: Ynne ka sngi, u President ka Seiñraij Jowai, u OR Challam hawa yaklam wa kiwa pathai khubor da pyntip u wa ka seiñ da rai ko wow pynlait (waive) ya ka bai wai na ki dukan kiwa em hapoh i thaw ka Raij kiwa kynthup nadooh na Indica Stand hadooh ha Madan Datlawakor (Mynthong).
Da pyntip u da pynlait le bnai ka bai wai yong ki dukan hadooh u Naiynru nadooh u Naitung (April).
Ka Seiñraij Jowai da chim chwa ko ya kani ka rai neidaw wa em ka khang chnong namo ka Lockdown wow yakhun ya ka khlam u COVID-19.
Heijooh i por u Challam da pyntip u wa ya ka bai skur ki khynnah kiwa puræ ha ka Seiñraij Higher Sec. School, Jowai da maap ya ka le bnai kamjooh leh ya ka bai skur ka Play School wa pynlai ka seiñ.
