Ki wakreh ka Jowai Municipal Board (JMB) wa kynthup leh ya ki sahep da ekhublei ki ya u MLA ka Jowai, u Wailadmiki Shylla uwa da chimkhia wow rah yei eh i khoo yong ki heiyatoh wa ka tulop yong ki.
Kamwa man hi ki wakreh ka JMB da dooh ki ya ka tulop ki la kamwa 10 bnai.
Kam wow pynkynmoo heini neiliang u Wailadmiki ha kani ka 24 tarik uni u bnai da lai yachem u ya u montri ka sorkar jylla wa pait ya ki kaam pynroi sor waka Municipal, u Hamletson Dohling wow yaklam hajrong kani ka kaam.
Ki wakreh da pynsñiaw ki yei mynsien wa kmen wei sñiawngooh neibhah pyn ynnin ka 25 tarik da yoh ki ya ka tulop yong ki kawa 8 bnai.
Neiliang ki wakreh da e ngooh ki ya u Blai wow emlang u wa u MLA wow e ya oo i doh i pran wa chait wa khlan khnang wow ye chooh u wow chakri ya ki paidbah ka Ri-loom Jaiñtia wa ka jylla hi waroh kawi.
