Kam chibynta ka hukum ka sorkar jylla wow chah u wai noh ki yaw wa pynman chisien chi tayaw hapoh ka jylla, neiliang u DC ka West Jaiñtia Hills da pynmih u yaki kyndon hei yatoh wow wai kini ki yaw nadooh ka 29 tarik uni u bnai.
Kini ki yaw ym kynthup ki yaki Border Haat waki yaw wa em khappood wa kiwi ki jylla kiwa dang man hi kiwa khang.
Ki yaw wa da chah u wai, u wai ki nadooh 9 waje i step hadooh 6 waje i miet deiwa hap ki wow bood yaki kyndon wa da booh daka chnat i chait i khiah.
Yaki yaw u chah u wai ki sngi pood heiwa yaki dukan toh u e yaki da ki Number, wei chong ha i Number wa yoh ki, da yabhah yaki hapyrdi ki Odd wa Even Number wei i rukom wai ki man i kamni ha wah:
Monday- Ki dukan wa yoh ya u Odd Number
Tuesday- Ki dukan wa yoh ya u Even Number
Wednesday- Ki dukan wa yoh ya u Odd Number
Thursday- Ki dukan wa yoh ya u Even Number
Friday- Ki dukan wa yoh ya u Odd Number
Saturday- Ki dukan wa yoh ya u Even Number
Ki Market COVID-19 Management Committee toh u pyntikna ki wa waroh kini u bood ki yaki kyndon namo ki Standard Operating Protocol.
Kiwa ym bood yaki kyndon daw chah khah ki dukan hi.
Puræ leh: Pynmih kyndon ka sorkar yei rukom wai yaki yaw ki haat
