Jowai: Ynnin ka sngi ka West Jaiñtia District Congress Committee (WJDCC) da phah dorkhat ko cha u President ka ri lyngba u Deputy Commissioner ka West Jaiñtia Hills heiyatoh wa i ku dor i Petrol wa i Diesel iwa da ktah chiboon ya ki paidbah ka ri.
Ka seiñ da ong ko wa ka sorkar hapoh i yahkhmat u Narendra Modi da yoh nong ko lyngba ka dan hadooh T. 18,000 klur ha kini ki 6 snem wa da lai wei i pynku dor ya i phñiang da man i kamwa lehbeiñ ya ki paidbah neibhah wa da hap pynku dor leh ya ki mar wa pynemkaam man ka sngi.
Katwa kamtæ ka seiñ da dawa ko wow pynhiar dor noh ya i phñiang khnang wow myntoi ki paidbah ka ri liang wanang.
Ya kani ka dorkhat da soi da u P. Suting uwa man leh kam u President ka WJHDCC.
