Ha Assam, ynne da em sa 548 ngut kiwa yoh COVID-19 heiwa na kini, 378 ngut toh kiwa napoh sor Guwahati, da pyntip u montri i chait i khiah ka Assam u Himanta Biswa Sarma deiwa kyntu yaki paidbah wa ym toh wow kheiñstiñ ya kani ka kaam.
Kiwa chait won da pyntip u wa da em ki 184 ngut.
Waroh kiwa da yoh COVID-19 da em ki 8955 ngut heiwa kiwa chait da em ki 5831 ngut, kiwa dang em ya uni u khñiang da em ki 3109 ngut, kiwa yap da em ki 12 ngut wa 3 ngut kiwa da mih napoh ka jylla.
U Sarma ynne ka sngi kam chibynta i yaleh pyrchah yaka khlam COVID-19 da wai u yaka yaka Testing Laboratory wa thymme kawa em hapoh MMCH kawa man kawa 13 hapoh ka jylla deiwa pyntip wa dang pynkhreh leh sa 6 tylli.
Da wai u leh yaka COVID-19 Care Hospital wa em ha Khanapara kawa em 900 tylli ki thaw thiah.
Da lai pait u leh yei pynkrheh yaka COVID-19 Care Hospital kawa em 450 tylli ki thaw thiah kawa em ha Maniram Dewan Trade Centre, Guwahati.
