Shillong: Hadien wa da em boon ki bru kiwa chah thok chah chukor haki bru kiwa kam toh kiwa dai (Seller) yong ka OLX kiwa da pynyoo yaki kot ki sla wa biang kam ki ID yong ki chipai, ki Receipt naki Courier Company wa kiwi kiwi yow pynbiej yaki bru. Wei ki Phone Number yong kini ki bru man wot ki kiwa pyndam du hadien wa su poisa ki bru cha ki.
Kamtæ u Superintendent of Police, East Khasi Hills da kyntu u yaki paidbah wa ym toh wow chah pynbiej ha kam kini ki bru. Lada em kiwon kiwon kiwa kwah wow leh iwon iwon haka OLX wym toh u phah chwa yaka poisa katwa ym pu yachem wa kiwa dai markhmat. Wei wow yait leh wow thied kiwon kiwon ki mar lane wow phah poisa wa kiwa na kiwi ki jylla.
Lada em kiwa chah thok, ki paidbah ye ki wow lai pyntip cha kiwa jan dooh ki Police Station/Police Beat House/Police Out-Post lane Cyber Assistance Cell (CAC), CID, Meghalaya, Shillong.
