Ka seiñ JSM Nartiang Circke da yoh ko ya ka ujor na ki paidbah ka Nartiang Pohchnong heiyatoh wa i jied chiliangkhmat ya ki manyung wow yoh na ka Scheme PMAY ha ka chnong Nartiang Pohchnong.
Neiliang ka JSM Nartiang Circle dei sñiawkhia wa joor yeini i leh kiwa pynlai chnong da ujor ko ha ka BDO yong ka Thadlaskeiñ C&RD Block.
Ha ka ujor ka seiñ wa da soi da u Presdident ka Circle, u Head Phalangki wa ki dkhot ka seiñ da dawa ki na ka BDO wow pyndam chwa ya kitai ki manyung neibhah ym em khooid i rukom jied ya ki.
Ka seiñ da ong ko wa hei sakhiat kani ka scheme PMAY toh u pait chwa ya ki wa dooh kiwa ym em yung, kiwa sah khonswet, rangli, kat u yoo won i jied daman iwa bakla ha katai ka chnong, da ong ka Wyrta naka seiñ.
Da dawa ko leh ya u Gramsevak u pyndam chwa wow ekti (Submit) ya kitai ki dur næ ki yung wada pynmih pyrtuid ki, lym kamtæ ka seiñ daw thooh ko ya ka yutip wa bniah khnang wow ye u leh yeiwa emkaam.
