Katkam ka khubor wa phah da ki manbei ki 14 tylli ki manyung ka chnong Mowkaiaw. Da pynsñiaw ki yei kmen hadooh kattæ kattæ ya u Nujorki Sungoh uwa man u MLA yong ka Mowkaiaw Constituency heiyatoh wa i khooid mynsien yong oo kam uwa mihkhmat uwa sñiawthooh heipor wa dooh kyrmen wow e yarap neibynta ki yung ki sem yong ki.
Neiliang u MLA da e yarap u cha waroh 14 tylli ki yung mar T. 50,000 neibynta wow yarap u pynbha yaki yung ki sem yong ki. Kamtæ kini ki manbei da ong ki wa ym ye de wow su yei sbun yong u MLA uwa da kitkhia wow thooh luti wow yarap yaki. Da kitbok kitrwiang ki ya u Nujorki Sungoh wow nang ye chooh chooh u wow krehkaam bha neibynta ki paidbah hapoh ka Constituency wei kamjooh neibynta i roi i paar yong ka imlang sahlang waroh kawi.
Da e khublei leh ya u Eleazer C Dkhar uwa man u President yong ka UDP Mowkaiaw Constituency uwa da chimkhia wow yaklam wa u MLA yow yoh yarap.
Yaka Work Order sa saam ynnin ka sngi cha waroh 14 tylli ki manyung kawa da saam da u Eleazer C Dkhar. Uwa da pyntip leh wa ym du yaki 14 tylli ki manyung, wei dang em sa ki kattu katni kiwa daw yoh ya kani ka T. 50,000.
