Kiwa chah ktah ha u COVID-19 ha kini ki 24 kynta ha India da em ki 20,903 ngut katkam ka kheiñ ka Ministry of Health & Family Welfare waka ICMR hadooh 8 waje i step ka 3 tarik.
Na kini ki 20,903 ngut, da em 20,032 ngut kiwa chait iwa man leh iwa boon dooh haka chi sngi, kiwa dang em ya uni u khñiang da ku da 492 ngut katwa kiwa yap da em sa 379 ngut.
Ha jylla Maharashtra, kiwa da chait da tam chi lak kiwa da em 1,01,172 ngut katwa kiwa dang em ya uni u khñiang da em ki 77,276 ngut.
Ha Tamil Nadu kiwa chait da em ki 56,021 ngut katwa kiwa dang chah ktah da em ki 41,050 ngut.
Ha Delhi kiwa chait da em ki 63,007 ngut katwa kiwa dang em ya uni u khñiang da em ki 26,304 ngut.
Na waroh ki jylla, da sah sa du ka Meghalaya kawa dang em hapoh 100 ngut kiwa yoh COVID-19.
Kiwa chait hapoh ka ri da ku cha ka 60.72% kiwa em 3,79,892 ngut, kiwa dang em ya uni u khñiang da em ki 36.35% kiwa em 2,27,439 ngut wa kiwa yap da em ki 2.91% kiwa em 18,213 ngut.
Kiwa chait da tam ki da 1,52,453 ngut ya kiwa dang em ya uni u khñiang iwa ku da 19,540 ngut nadooh ynnin ka sngi.
