Kiwa yoh COVID-19 ha Meghalaya dang ku chooh chooh i hadien wa pyntikna sa 4 ngut kiwa dang yoh ynne i step iwa da pynbna leh da u montri rangbah ka jylla u Conrad Sangma.
Kini ki 4 ngut toh kiwa na Ri-Bhoi kiwa yoh ya uni u khñiang na uwa yoh COVID-19 uwa da em ha Assam katni wei uwa da dep Test pyntikna leh ha Ri-Bhoi.
Kam wow pynkynmoo wa ini wa dep da em u wakreh ka SBI Khanapara Branch uwa chah Test wei uwa pyntikna wa yoh COVID-19 u daka jylla Assam wei da sumaar ya oo leh ha Assam, heiwa da khang leh ya katai ka Bank chipor wei ya kiwa lai cha kani ka Bank da phah leh Home Quarantine ki.
Haka 2 tarik won, sa uwi u bru uwa da Test ha Assam tangwa da liwan u cha i thaw kreh u wa em ha Khanapara chwa wow yoh Result, da pyntikna leh daka jylla Meghalaya wa da yoh u ya u COVID-19.
Neiliang ka sorkar Meghalaya ynnin da pynbna ko yaka Total Curfew nadooh na Khanapara hadooh Byrnihat deiwa phah Test leh yaki bru paidbah ya u COVID-19.
Wa kini ki 4 ngut, kiwa yoh COVID-19 ha Ri-Bhoi namo ki Active Case da em ki 9 ngut katwa hapoh ka jylla ki Active Case da em ki 22 ngut, 43 ngut kiwa chait wa uwi wa yap.
