Mar ya em wa yoh COVID-19 ha Meghalaya, ki ASHA wa kiwa yarap ya ki da chah hikai ki wow embynta ha ka Active Case Search Team ha kylleiñ ka jylla.
Kam ka nongmuna, ka bru wa yoh ya uni u khñiang ha Mawtharia Pomlakarai kawa em kamwa 70 tylli ki manyung, mar ya tip wa yoh ko ya uni COVID-19 da sdang wot ya ka Community COVID Management Committee heiwa kawa kreh kam ka ASHA, ka S. Kurkalang da man ko ka bynta wa emkaam dooh yong kani ka Committee.
I kaamram yong ka toh wow thooh ya ki 35 ngut ki Primary Contact ha ka chnong. Mar ya sdang i phah chong kset ha yung da ka COVID Committee, da sneiñ ko ya ki paidbah heiyatoh wa ki kyndon wow bood wow yada na ka kjut wei da lai ko leh dei langær cha yung ki bru wow sylli yei man i long yong ki.
Chirup wa ki Volunteer, da kyrchaan ko ya ki manyung deiwa pynpoi ya ki mar baam wa ka um cha ki. Da booddien ko leh dei langær yei chait i khiah ki bru kamjooh ki khonboo, ki tymmen ki bru wa chitom na ka Tuberculosis, Hypertension wa Diabetes.
Da yaleh ko leh wow pynyoh ya ki dawai wa i e dawai neibynta ki manbei, wa kiwa punkhon kamjooh ki khynnah.
Dei kyrchaan ki paidbah ka chnong da pteiñ ko yei kaam yong ka kamjooh leh wa kiwi ki kaam wa yatoh wa u COVID-19 wei ini pyntikna i wa ym em thut i chakri haiyatoh wa ki kaam i chait i khiah.
Neidaw i kreh ki paidbah ka chnong wa ki ASHA, ka chnong Pomlakarai da lait noh ko na u COVID-19.
Ki ASHA hapoh jylla dei kreh chitom yong ki da ye ki wow khang yei poor uni u khñiang.
Ha waroh em hadooh 6,700 tam ngut ki ASHA kiwa embynta ha ka COVID Village Health Awareness and Active Case Search Teams ha ki Containment Areas.
Da pynchlur ki leh wow bood yaki kyndon yada na u COVID-19 kam i wow sait-kti, wow sap mask, wow jngai iwi na iwi.
