Jowai: Ka Rotary Club Jowai haka yurim krehkaam wow yohbhah yoh byntalang da waroh ki dkhot na ki snem cha ki snem ha kani ka sngi Hat 3 tarik leh da pynman ko yaka 25th Installation Ceremony Of Rotary Club Jowai ha Infinity Conference Hall, Mooralong heiwa ki dkhot ka seiñ watip kam ki Rotarian wa ki seiñ khynroo wa tip kam ki Rotaract da wan ki wow emlang chirrup hei sakhilang u Vincent H.Pala, MP Lok Sabha kam u kongsan.
Haka yalang yong kani ka janmiet da phiah ha ki ar bynta heiwa ya ka bynta wa nyngkong da pynlai da u Rotarian J.M.Pohsngap PHF, President 2019-20 katwa yaka bynta wa ar won da pynlai da u Rotarian S.K. Lato, MPHF President 2020-21.
Kam wow kdar luti ya ki bynta wa chakhmat yong kani ka yalang da em i rwai yaka National Anthem da waroh ki dkhot neitae pynbood ki kyntien pdiang burom na u Rtn. Dr. D.I. Kjam, Director of Vocational Service, i khana pynsñiaw yei krehkam kyllum ka seiñ da u Rotarian Rudolf E. Laloo, PHF, Secretary Rotary Club Jowai 2019-20, ki kyntien e mynsien ya ki dkhot ka seiñ naka Asst. Governor Rotarian Easter F. Gatphoh, MPHF- AG Zone X RID 3240 kamjooh leh ki kyntien na u Rtn. J.M. Pohsngap PHF President 2019-20 uwa da kyntu joor leh yaki dkhot wow man kiwa tip u kheiñkor yei por wa kordor.
U V.H. Pala kam u kongsan yong kani ka janmiet katkam ka dustur krehkaam yong ka Rotary International da pynskem u leh ya ki yahkhmat ka Rotary Club Jowai yong u snem 2020-21 kiwa kynthup yow Rtn. S.K. Lato, MPHF President, Club Secretary Rtn. Samehi Laloo, President Elect Rtn. Montri Passah, PHF, Vice President Rtn. Rudolf E. Laloo PHF, Jt. Secretary Rtn. Longda Bamon, Club Treasure, Rtn. Lakhon Laloo, Sergeant at Arms Rtn. Mewothi Gatphoh, Club Service Director, Rtn. T.B. Tongper, Vocational Director Rtn. Derbormi Toi, Community Director, Rtn. Longda Bamon, International Director Rtn. B.Lytan-PHF wa u Youth Service Director Rtn. Riwotki Ryngkhlem.
U Rtn. S.K.Lato, MPHF, President 2020-21 hei e kyntien kam uwa yahkhmat ka seiñ yong ka samoi 2020-21 da khanna u ki ar tylli ki thong krehkam wa hakhmatdooh ka Rotary International ha uni u snem 2020-21 toh i bynta wa yatoh wa ka Rymaw wei purae puthi heiwa dakhutlang u ya waroh ki dkhot wow em ki i mynsien yakrehlang khlem da wohdong wohdaw næ nohtai neibynta i burom ka Club waroh kawi. Neitæ ong u leh kynmoo ka Rotary Club toh ka yonglang kawa waroh ki dkhot em ki ka yukit wa khia em ki ka hok wow yaklam yatuklar ya ki kam kiwa yatoh wei miat i bha ka sein.
Ha kani ka janmiet kam ka dak i sñiawngooh sñiawburom ya ki dkhot kiwa da ka yarap kyllooid mynsien hei wow ye u pynphet ya ki kaam ka seiñ chakhmat ha ki wa boon ki liang, da em leh i pynkup burom ya ki dkhot da u Rtn. A.A. Shullai MDC JHADC kamjooh da ka Asst. Governor Rotarian Easter F.Gatphoh, MPHF- AG Zone X RID 3240.
U V.H. Pala, hei klam kam u dkhot ka Rotary da yaroh u hadooh kattae ya ki kam wa miat wabha ka Rotary hawa uiñ wa lai u cha kylleiñ ki thaw yong ki ri waphær waphær, ong u leh man iwa sñiawsuk u tip wa hapoh ka Rotary em leh ki kaam kiwa yatoh wei kamram yong oo kam uwa mihkhmat wow kreh neibynta i miat i bha ka imlang sahlang, tæ yooluti u wa lyngba ki buit ki budia wa mih na ka Rotary u man ki ka yurim ya oo wow yaklam ya pachat yumut hapoh ka Dorbar næ ki Committe waphær kiwa oo embynta u kam uwa mihkhmat.
