Ynne ha Assam da em 1202 ngut kiwa dang yoh COVID-19 iwa man iwa boon dooh haka chi sngi, da pyntip u montri i chait i khiah ka Assam u Himanta Biswa Sarma.
Da pyntip u wa na kini ki 1202 ngut, 777 ngut toh du kiwa napoh ka sor Guwahati, wei da kyntu u ya ki bru wow man ki kiwa syndong bha ya idæ.
Chooh chooh da pyntip u wa ynne da em leh 416 ngut kiwa chait.
Wa kini, kiwa yoh COVID-19 ha Assam da me ki 11,001 ngut heiwa kiwa chait da em ki 6743 ngut, kiwa dang em ya uni u khñiang da em ki 4241 ngut, kiwa yap da em ki 14 ngut wa 3 ngut kiwa da mih napoh ka jylla.
Ynnin ka 3 tarik kiwa yoh COVID-19 da em ki 365 ngut wa 221 ngut kiwa chait iwa da pynpoi ya kiwa yoh COVID-19 cha ka 9799 ngut.
Ynne ka sngi, u Sarma da lai pait u leh yaka ICU Ward ka GMCH yow pait yei sumaar wa da e cha kiwa chitom.
