Jowai: Hapyrdi ka khlam u COVID-19, ka Raij Jowai da sdang ko ya ka lehniam Behdieñkhlam yong ka kawa da tip leh kam ka Soo Sngi Le Yaw hadien wa yohbor na ka sorkar deiwa bood leh ya ka Special Operating Procedure (SOP).
Ynne ka sngi hadien ka Siang ka Pha ki Khon Raij toh u lithooh ki ya ka Symbood Khnong wei wow pynpoi ya ka ha kjat u Loom Soo Yung, tangwa yeini da pyndam noh ha uni u snem kam chibynta yong ki kyndon ka SOP.
Kamtæ ki kattu katni ngut na Khon Raij da mih ki wow lai engooh ha Kjat u Loom Soo Yung hei da engooh da u Kñi ka Khon Raij, u Lamphrang Shylla hei emlang u Pator, u Raymond Nartiang wa kiwi kiwi.
Ha uni u snem katkam ki kyndon ka SOP da rai ka Raij wa ym em Dieñkhlam kamjooh leh ki Rot ki Rong tangwa u em noh du i Kñia wa i ngooh i dem.
