Jowai: Katwa ki sngi ka Behdieñkhlam da jan poi ki chawa kut hapyrdi i wym yoh u yoo u sakhi ya ki Rot ki Rong ha ki Yungwalieh kamwa jooh, yoosuk won u chem wa ki khynnah chongchit ka-it ki u chna ya ki rot kyndæh ha jar jiar ki yung yong ki kawa man chibynta i pynphooh pynphieñ ya ka Behdeinkhlam yong uni u snem.
Ki thaw kiwa da yoh u sakhi yeini i chna rot kyndæh ki khynnah toh ha Khlieh Aitnar yong ka Loompyrdi Iongpiah wa ha Pamhadem wei ini i rukom chna hanlada toh dei khian leh pynyoo ki ka dak i man kyrpang yong ki Rot ki Rong ha kam ini i por.
Hei yaklam wa ki khynnah wa leh yeini i kaam da pynsñiaw ki wa hapyrdi i tynjooh wa khanglaad yei man wa phooh waphieñ ka Behdieñkhlam i sñiaw yong ki won im i wow pynkhroo yei burom u Trekirot ha kini Ki Soo Sngi Le Yaw.
