Jowai: Ka JSU Nartiang Circle ynnin ka sngi da lai e yarap ko cha ka World Mission Children Home wa em ha Nartiang heiwa da pynman ya ka yalang wa tbian wa pynlai da u Tymmen Wasan u A. Wanñiang wei da yoh leh yei klam na u General Secretary ka seiñbei u J. Shylla uwa da sneiñ da kyntu ya kini ki khynnah wa sah heini i thaw wei da yoh i klam leh na u President ka Nartiang Circle u N. Mukhim hei emlang u General Secretary u S. Sumer
Ka seiñ neipor cheipor da lai yarap ko ya kiwa boon ki thaw ri khynnah khonswet wei kam ha kini ki por wa em ka khlam COVID-19 ka seiñ da yaleh ko u yarap katwa chah i bor.
Ha kani ka thaw da em 11 ngut ki khynnah kynthai wasah ha kani ka thaw wei ka sieñ da kular ko wow yarap ya kani ka thaw ri khonswet lada emkaam heiwon iwon i por.
Ha iwi i liang ka seiñ ha kani ka jooh ka sngi da pynthymme ko ya kiwa kitkaam ka JSU Rakabah Unit kiwa da pynkhlai ya ki kyntien kular da u General Secretary u J. Shylla uwa da e ki ktien sneiñ kyntu ya kiwa kitkam thymme.
Da emlang u Publicity Secretary ka seiñbei u T. Mukhim chirup wow Waheh Chnong ka Rakabah u H. Sari wa u Secretary ka chnong u S. Khynriam.
Kiwa kitkaam wa thymme man ki kamni hawah:
- President-Trebor Lamin
- Vice-president-Fready Mukhim
- General Secretary-Shinil Sari
- Asst. General Secretary-Kyrshan Sari
- Finance Secretary–Arkini Nongtdeh
- Publicity Secretary-Sakhiathi Mukhim
- Organising Secretary-Dikinson Khynriam
- Sports Secretary- Mewanshai Sariang
- Education Secretary- Damechwa Phalangki.
Wei da jied leh ya 4 ngut ki Executive Members.
Da ekhublei leh ya ka chnong yei emlang ki wa ka seiñ wei da kitbok kitrwiang leh ya kini kiwa kitkaam wow kreh bha ki neibynta ka chnong ka thaw wa ka ri wa ka jaitbru.
Kani toh katkam ka wyrta na u Publicity Secretary ka seiñ, u T. Mukhim.
