Kiwa yoh COVID-19 ha Assam da tam ki 14 hajar ngut ynne ka sngi deiwa em sa 696 ngut kiwa dang yoh iwa da pynpoi ya waroh kiwa yoh cha 14032 ngut.
U montri i chait i khiah ka Assam u Himanta Biswa Sarma da pyntip u wa naki 696 ngut kiwa dang yoh, 423 ngut toh kiwa na sor Guwahati.
Ynne da em leh 397 ngut kiwa chait yow pynpoi ya waroh kiwa da chait cha 8726 ngut.
Ynnin ka 7 tarik, ka Assam da tam ko 13 hajar ngut kiwa yoh deiwa em sa 814 ngut kiwa yoh ya u COVID-19 heiwa na kini da em 588 ngut kiwa na Guwahati. Heiwa da em leh kawi kawa na Kamrup kawa yoh COVID-19 kawa khlaad kawa chitom na Type II Diabetes.
Ynne da em leh uwi uwa yap uwa 30 snem i rta uwa na Majbat, Udalguri uwa yoh COVID-19 uwa chah sumaar ha Tezpur Medical College uwa chitom Septicaemia wa kawi kawa dang 19 snem kawa yoh COVID-19 kawa chitom leh na i Anemia wa Sepsis kawa em hapoh ICU ka Jorhat Medical College.
