Shillong: Katkam ka yutip wa da yoh neiliang kiwa pynlai ya ka NEIGRIHMS, da pyntip ki wa da hap wow khang chwa chipor ya kani ka thaw sumaar hadien wa yoh COVID-19 uwi u chipai BSF ha kani ka thaw sumaar ynnin ka sngi.
Da ong wa uni u chipai ka BSF uwa sah ha Umpling da leh ya ka RTPCR ya oo ha ka 1 tarik Naiynñiaw wei da chem wa ym em yoh u ya u khñiang COVID-19 wei ha ka 4 tarik da thiah chah sumaar (admitted) u ha Orthopaedics Ward (Non Covid Ward).
Heipor wa thiah chah sumaar u da choh synrum u wei ha ka 9 tarik da chem wa yoh u ya u COVID-19 hadien wa leh biang ya ka RT-PCR wei da kyrriah noh ya oo cha ka COVID Ward.
Katwa kamtæ neidaw wa uni u bru da lai u cha ki kattu katni ki thaw wa em ha kani ka thaw sumaar wei wow booddien wa kiwa yachem wa oo (Contact Tracing) wei wow pynkhooid ya ka, neiliang kiwa pynlai ya kani ka thaw sumaar da chim ki ya ka rai wow khang noh chwa chipor ya kani ka thaw sumaar wa kynthup ya ka OPD, Emergency, wa kiwi kiwi hadooh wa pynbna deiwi tawon.
Chooh chooh ya kiwa da thiah chah sumaar (Indoor Patient) daw pteiñ hi wow sumaar ya ki.
Hajrong ini dang yang chooh ya ka yutip wa bniah na sorkar.
