Shillong: Katkam ki kyndon ka aiñ Epidemic Disease Act, 1897 chirup waka The Meghalaya Epidemic Dieases, COVID-19 Regulations, 2020 neiliang ka sorkar jylla lyngba u Chief Secretary da pynbna u waroh ki thaw wa em hapoh ka Ftr. HQr BSF Campus, Umpling u man ko kam ka Containment Area.
Yeini da leh hadien wa em ki chipai a BSF kiwa yoh COVID-19 da lai da wan ki ha kani ka thaw wei khnang wow pynsuk wow leh ya ka Contact Tracing, test, wa kiwi kiwi kam chibynta wow khang yei poor uni u khñiang.
Kamtæ da booh ya kini ki kyndon hawah:
Ym chah ya ki bru wow lai u wan ki hapoh kani ka thaw wei kiwa sah hapoh uni u pood ka thaw ymtoh u mih ki cha lait.
Waroh kiwa sah emkaam wow chong ki ha yung khlem mih cha lait.
Da khang wow em iwon iwon i jait yalang paidbah neibynta iwon iwon i kaam.
Waroh ki dukan dukdoh u man ki kiwa khang sbak wei ki dawai dachin wei waroh i emkaam daw pynbiang da ki bor sorkar.
Waroh ki thaw sorkar wa ki yong ki bru paidbah kamjooh ki bru samen u man ki kiwa khang hadooh wa pynbna deiwi tawon.
Ka yung krehkaam u BDO Mawpat / Incident Commander of Zone-V u man u kam u Supervising Officer yong ka Ftr. HQr BSF Campus, Umpling ya kawa da pynbna kam ka Containment Area.
Kiwa tyngkheiñ namo leh pyrchah yeini daw chah pynchitom ki katkam ki kyndon ka Disaster Management Act, 2005 wa ka IPC.
