Ynnin ka 9 tarik da khih khmi biang ha Mizoram uwa khlan bor 4.3 haka Richter Scale uwa yillu 10 Km chapoh khyndaw.
Uni u khmi da khih u heipor 2:28 waje i sngi wei da sdang u na i thaw wa 23 Km na Champai, Mizoram, katkam wa da pynbna daka National Centre for Seismology.
Ini da pynkuslai ko ya kiwa boon kiwa chong chnong ka jylla neidaw wa da khih khmi la 8 sien nadooh ka 18 tarik u June nadooh kiwa rap joor hadooh kiwa duna bor heiwa uwa rap khlan bor wa em 5.3 haka Richter Scale da ktah u yaki yung ki sem, ka yung mane hapoh Champai District iwa da jia haka 22 tarik u bnai wa dep.
Ha Champai District da khih khmi la 3 sien ha kini ki 6 sngi heiwa uwa nyngkong uwa khlan bor 4.6 da khih u haka 3 tarik uni u bnai wei da bood won sa uwi uwa khlanbor biang 4.6 haka 5 tarik.
U Khmi wa khih nyngkong haka 18 tarik u June toh uwa sdang na Champai uwa khlan bor biang 4.6 haka Richter Scale. Ka District wa jan ka Saitual da khih khmi ko haka 21 tarik u June wa khlan bor 5.1 haka Richter Scale.
Ha u khmi wa khih ynnin ym em i ktah u ya ki yung ki sem kamjooh yei mynsien bru.
