Shillong: Ka District Magistrate ka East Khasi Hills da pyntip ko wa ka Curfew hapoh ka sor Shillong wa ki thaw wa em mar jan u sdang ko nadooh 6 waje i step ka 13 tarik uni u bnai hadooh 6 waje i step ka 15 tarik uni hi u bnai wei ya ini da leh hapoh ka Section 144 CrPC yow yada nei poor u khñiang khlam COVID-19.
Ki thaw wow em hapoh Curfew toh waroh ki thaw wa em hapoh ka Municipal, waroh ki thaw Cantonment, waroh ki thaw wa em hapoh Mawlai wa Mawpat Blocks wa ki Census Town, ki thaw wa haap hapoh Mylliem Block nadooh Umshyrpi Bridge hadooh 7 Mile Upper Shillong, Madanrting, Mawblei, Laitkor, Nongkseh, Umlyngka, Lawsohtun wa Mawdiangdiang.
Kani ka hukum ym krehkaam ko yaki pulit, ki chipai, ki wakreh ha i chait i khiah wa Hospital, ki Wholesale wa Retail Pharmacy, Fire & Emergency Service, MeECL, NEEPCO & Power Grid, Food & Civil Supplies, PWD & PHE Departments, FCI, Shillong Municipal Board, Telecom, Communications & IT Services, Press, Print and Electronic Media, Petrol Pump, Indian Oil Corporation wa i leh LPG Delivery.
Ini i pynlait ya kiwa da kdaw haneiñ ym toh ya ka Frontier Headquarters BSF Campus, Umpling kawa da pynbna kam ka Containment Zone wei haka da em ki yong ka hi ki kyndon kiwa da pynmih chwa.
Katkam kani ka hukum, ym khang yaki kari wa kit mar wa emkaam, kiwa kit yaki chipai, ki tiar ki tar sumaar bru tangwa kiwa yah kari wa kiwa yarap ya ki hap ki wow leh yaka Medical Screening katkam ki kyndon wa da booh.
Ya ki Curfew Pass ye wow yoh lyngba ka Online Application ha www.eastkhasihills.gov.in.
Ha waroh kawi ka East Khasi Hills District, ka Night Curfew u pteiñ hi ko nadooh ka 13 tarik uni u bnai hadooh ka 20 tarik uni u bnai nadooh 10:00 waje i miet hadooh 5 waje i step man-ka-sngi.
