Khliehriat: U Deputy Commissioner, East Jaiñtia Hills District da pyntip paidbah u wa neidaw wa da boon ki bru wa chah ktah ha u khñiang COVID-19 hapoh Meghalaya wa haki District wa yajan hapoh ka East Jaiñtia Hills District.
Katwa kamtæ neiliang u Deputy Commissioner, East Jaiñtia Hills District da pynkrehkaam u ya ka Section 144 CrPC chirup wa ka Regulation 3 yong ka Meghalaya Epidemic Diseases COVID-19 Regulation 2020 wa ka Guideline No.5 (1) yong ka Order ka sorkar India.
Kamtæ da phah ya waroh ki paidbah ka East Jaiñtia Hills District wow sap ki ya ki Mask ha ki thaw paidbah, wow kiar wow jngai iwi na iwi ha ki thaw paidbah, wow sait-kti bha dei sabon namo ki Sanitizer wei wow pynkhooid yei thaw sah yong ki.
Chooh chooh da pyntip wa ya kiwa tyngkheiñ ya kini ki kyndon da ebor ya ki pulit wow pynchitom deiwa daiñ kuna (Fine) ya ki haka sien wa nyngkong T. 500 wei wow pynku ya ka da ar chah næ le chah lada chem wa pteiñ ki u tyngkheiñ biang ya kini ki kyndon ha ka sien wa ar næ boonsien daw Register Case pyrchah ya ki deiwa pynngat ya ki hapoh ki kyndon aiñ ka Section 51 ka Disaster Management Act, 2005.
