I chna ya ka Coke Factory toh hadien wa yoh NOC na ki soo chnong: Dr. Sankey Shangpung

Jowai: Hadien wa mih ka Wyrta ha kini ki sngi wa dadep wa em i pyrchah yei chna ya ka Coke Factory ha Wah Deiñling, neiliang u MDC ka Bataw Lakadong Constituency, u Dr. Sankey Shangpung ynne ka sngi da pynche u hajrong ini i chna ya kani ka karkhana da ka Unique Industry Coke Factory.

U Dr. Sankey da ong u wa neiliang ka JHADC da ong u wa hadien wa sdang i chna ya kani ka karkhana ha Wah Deiñling kawa em hapyrdi ki soo chnong wa kynthup ya ka Umsatai, Deinsatlang, Ladwahwapung wa ka Pynurkba neiliang yong oo dang yooluti u wa daw em i ujor na ki paidbah wa ki chnong tangwa hadooh ynne ka sngi ym em yoh ujor.

Da ong u leh wa hadien wa yohbor na ka sorkar jylla lyngba ka Single Window Agency wa ka Meghalaya State Pollution Control Board wei khamtam ka NOC na ki soo tylli ki chnong neiliang ka JHADC leh ymye de ko wo pyndooh ya ka NOC cha kani ka karkhana.

Chooh chooh neiliang u Dr. Sankey da kular u leh wa kam u MDC lada neini chaphrang em iwon iwon i kaam namo wow pyrchah ya kani ka karkhana oo leh u smat u wow emlang wa ki la ha kiwon kiwon ki kaam neini chaphrang.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Kam wow pynkynmoo heini neiliang ka JHADC da e ko ya ka NOC cha ka Unique Industry Coke Factory ha ka 03-03-20 wow chna ya kani ka karkhana Coke Factory ha Wah Deiñling.