Shillong: Ynne ka sngi man ko ka sngi wa sdang ka Lockdown wa ar sngi ha sor Shillong, wei ynne i janmiet ka dorbar chnong Upper Lachumiere da ksoh ko ya kawi ka truck wa kit ya ki tiar yung, kawa em ya u number UP-80DT-6182 wei kawa wan na Haryana.
Mar tip yeini neiliang ka chnong da pyntip noh ko cha ki pulit ka Laitumkhrah Police Station wa ki bor District ka East Khasi Hills.
Hawa takit ya kini ki bru kiwa em 3 ngut, hadien wa da yieñ yang ki ya ka pali yong ki ha Byrnihat, da pyndep ki du ya ka Thermal Screening wei da pyllait noh ya ki wow psiah cha Shillong.
Hawa kylli chooh chooh, kini ki bru da khana ki wa da wan ki cha Shillong wow kit ya ki tiar yung yong ki wakreh ha SBI wei dadep pyntip ki leh ya ki tre yung.
Neiliang kiwa pynlai chnong da kylli ki yei rukom booh khyrdop ka sorkar kiwa khlem chimkhia u pait bniah ya ki kari wa psiah chapoh jylla khamtam ha ini i por wa joor i ku kiwa yoh ya ka khlam COVID-19.
