Kamwa 7 ngut ki damok da rahbor ki ya u Rintu Marak uwa man uwa khayi mooyong uwa na Jadi, South Garo Hills wei da rahbor ki ya oo na chnong Rengdim West Khasi Hills ka chnong wa em ha khappood wa ka East Garo Hills wa South Garo Hills.
Hadien ini ki pulit ka West Khasi Hills, South Garo Hills wa East Garo Hills da sdang ki wow thooh ya kini ki damok wa ya u Rintu.
Ha ka 13 tarik uni u bnai da pynlait noh ya u Rintu hadien wa su ya ka poisa wa dawa kini ki damok wei ha ka 14 tarik won ki pulit ka East Garo Hills da yoh yutip ki chaphang kini ki damok kiwa em ha Rongjeng wei da lai ki wut-wut ha kani ka chnong.
Heini i lai ki pulit da yoh kem ya u khlieh kini ki damok wa ki lok yong oo chirup wa ka poisa wa ka tuk-thuk wa da pynemkaam ki.
Ya kini ki damok wa chah kem da ekti noh ha ki pulit ka West Khasi Hills wei i takit hajrong ini dang lai i chaphrang.
Kani man ko katkam ka yutip na u Superintendent of Police, East Garo Hills.
