Kawi ka khynnah kynthai wa dang 18 snem i rta da pynbaad wa chah slaitbor ko pyn ha u ma tre yong ka haka 12 tarik uni u bnai.
Katkam ka ujor wa e da u pa kani ka khynnah kynthai, da kam wa ha ka 12 tarik heipor kamwa 6 waje i janmiet heipor wa em ko samen ha yung da wan uni u ma yong ka uwa da sdang wow jrong kti ya ka hadooh u pood wa da slaitbor u ya ka wei ya ini da sakhi da u pa kani ka khynnah.
Haka ujor da ong wa ini ymtoh i sien wa nyngkong beibhah chwa ini da pyrchang (Attempt) uni u ma ko wow leh ya ini i kaam.
Hajrong ini i kaam neiliang u SP ka West Jaiñtia Hills da pyntip u wa da kem ya uni uwa da chah pynbaad ynnin ka sngi.
Hajrong ki kyndon wow pynngat lada toh hapoh ka aiñ POCSO pyrchah ya uni u bru uwa na West Jaiñtia Hills, da pyntip u leh wa i takit dang lai i chaphrang wei ya ki kyndon wow pynngat ya oo daw pyntip hadien ka takit.