Kiwa yoh COVID-19 ha Assam ynne da tam ki yaka 20 hajar ngut deiwa em sa 892 ngut kiwa dang yoh, da pyntip u montri i chait i khiah ka Assam u Himanta Biswa Sarma.
Da pyntip u leh wa na kini ki 892 ngut, 598 ngut toh kiwa na Kamrup (Metro) wa kynthup ya 185 ngut na Guwahati Jail.
Kiwa chait da em ki 666 ngut ynne ka sngi wa kynthup ya kawi kawa 93 snem i rta ka Jibini Devi Baid kawa chah sumaar ha GMHC.
Ynne da em leh 2 ngut kiwa yap uwa 50 snem i rta wa uwa 63 snem i rta.
Waroh kiwa da yoh COVID-19 da em ki 20646 ngut heiwa kiwa chait da em ki 13554 ngut, kiwa dang em ya uni u khñiang da em ki 7039 ngut, kiwa yap 50 ngut wa 3 ngut kiwa da mih napoh ka jylla.
