Shillong: Ka sorkar jylla lyngba ka chnat i chait i khiah da rai ko wow booh chooh chooh ya ki Corona Care Centre ha ka jylla, wei ini i rai yong ka sorkar toh hadien wa da sakhi ya i ku kiwa yoh ya u khñiang COVID-19 hapoh ka jylla.
Hawa klam ynne ka sngi, u Director of Health Services (MI), u Dr. Aman War da ong u wa ka sorkar ka da bichaar bniah ko ya i ku kiwa yoh COVID-19 hapoh ka jylla, wei da chim ya ka rai wow booh sa ka wi ka Corona Care Centre ha East Khasi Hills kawa toh ka TB Hospital kawa em ha Umsawli, Shillong. Katwa 2 tylli won da thmu wow booh ha Ri-Bhoi District wa kynthup ya ka GNM School of Nursing kawa em ha Nongpoh wa ka MCH Hospital ha Umran.
U Dr. War da pyntip u wa i Test ya ki nongmuna ha ka chi sngi hapoh ka jylla man ko kamwa 800 tylli, heiwa du ha NEIGRIHMS da ye u Test kamwa 600, ha Pasteur wa Tura mar 100 tylli ki nongmuna ha ka shi sngi. Da pyntip leh wa neibynta ki nongmuna na East Khasi Hills wa Jaiñtia Hills u phah bait noh ha NEIGRIHMS, katwa ya kiwa na Ri-Bhoi, West wa South West Khasi Hills u leh ha Pasteur Institute.
