Ka jylla Nagaland da kynjoh ko 1000 ngut kiwa yoh COVID-19 deiwa em sa 22 ngut kiwa dang yoh ynne ka sngi yow pynpoi ya waroh kiwa da yoh cha 978 ngut, da pyntip u montri i chait i khiah ka jylla Nagaland u S Pangnyu Phom.
Da pyntip u wa ya kini ki 22 ngut da chem deiwa Test ya ki 216 tylli ki Sample.
Kini ki 22 ngut toh 11 ngut na Peren, 8 ngut na Dimapur wa 3 ngut na Kohima kiwa waroh wa em chwa hapoh Quarantine.
Ka District wa boon dooh kiwa dang em ya u COVID-19 toh ka Peren kawa em 324 ngut, ka Dimapur 287 ngut, ka Kohima 115 ngut waka Mon 108 ngut.
Kiwa chait da em ki 405 ngut katwa kiwa dang em ya uni u khñiang da em ki 573 ngut.
