Khliehriat: Ka Khliehriat Block Congress Committee haka 18 tarik uni u bnai da chna ko yaka 5-Shnong Circle kawa kynthup yaka Pynthorsale, Mukhaiialong, Mutong, Cham-Cham wa Lumshyrmit haka yalang wa pynman ha Khliehriat West Community Hall deiwa bood ya ki kyndon yada na u COVID-19 wa da booh ka sorkar.
Ha kani ka sngi da pynlai yaka yalang da u President yong ka Khliehriat Block Congress Committee u Deibormi Syad wei da yoh leh yei klam tbian chaphang ka Party na u Working President ka Block u Piwell Shylla.
Da pynlai yei jied ya kiwa kitkaam da u Treasurer ka Block u Nicolas Swer. Da yoh yei klam i sneiñ i kyntu ya kiwa kitkaam wa thymme ka Party na u President ka East Jaiñtia Hills District Congress Committee uwa man leh u MLA 5-Sutnga-Saipung Constituency u Shitlang Pale.
Da emlang leh ha kani ka sngi u Thynda Sana, Working President ka Block, u Firstly Syad, Vice President ka Block, u Pheinlang Siangshai, Vice President ka Block deilang wa kiwi kiwi ki dkhot yong ka Party.
Kiwa kitkaam man ki kamni ha wah:
- President: U Pdok Tariang
- Vice President: U Pynshaw Dkhar
- General Secretary: U Shemphang Dkhar
- Social Media Co-Ordinator: U Pynshai Sana
- Adviser: U Thynda Sana
Deilang wa 25 ngut ka Executive Member.
