Khliehriat: U Deputy Commissioner ka East Jaiñtia Hills District da pyntip paidbah u wa em arngut kiwa yoh COVID-19 ha Khliehriat East, Khliehriat West wei kini ki arngut da lai ki cha Deinchynrum, Lad Sutnga, Mookympad, Sookilo wei kiwa da yachem wa ki kattu katni ngut ki bru ha kini ki chnong.
Kamtæ ki bor District Administration da pynmih ki da ka hukum wow pyntip cha waroh ki waheh chnong wow pyntip paidbah wa da pynbna ya kini ki chnong kam ki Containment Area khnang wa ka chnat i chait i khiah, ki Magistrate, ki Health Field Workers wa kiwi kiwi u ye ki wow thooh yutip kiyi ki bru wa da yachem wa kini ki ar ngut.
Kamtæ neiliang u Deputy Commissioner da kyrpaad u ya waroh kiwa chong chnong kiwa haap hapoh ka Containment Area wa kiwi kiwa chong chnong wow ksohkti wei wow yarap ki ya ki Contact Tracing Team ki wow wan cha ki chnong yong ki wow thooh yutip wei wow pynlang ya ki pyrtuid ki bru waroh kiwa da yachem wa kini ki ar ngut.
