U montri i chait i khiah ka jylla u AL Hek da pyntip u wa ynne nalor ki 19 ngut kiwa dang yoh COVID-19 ynne, da em leh 4 ngut kiwa chait.
Kini kiwa chait toh kiwa na East Khasi Hills kiwa 3 ngut ki bru paidbah wa 1 u BSF.
Ha East Khasi Hills kattæ kiwa dang em ya u COVID-19 da em ki 375 ngut heiwa ki BSF toh 281 ngut, ki bru paidbah 80 ngut wa 14 ngut kiwa na kiwi ki chnat chipai.
Ri Bhoi-42
West Jaiñtia Hills-5
East Jaiñtia Hills-3
West Garo Hills-15
South West Garo Hills-4
South Garo Hills-2
East Garo Hills-1
North Garo Hills-1
Kiwa chait waroh da em ki 82 ngut katwa kiwa dang em ya uni u khñiang da em ki 448 ngut.
Kam wow pynkynmoo wa kiwa dang yoh COVID-19 ha Meghalaya ynne i step da em ki 19 ngut heiwa kiwa dang yoh toh na East Khasi Hills (13), West Garo Hills (3) wa na South West Garo Hills (3).
Da pyntip u leh wa waroh ki nongmuna (Sample) kiwa da dep wow Test da em ki 30,752 tylli heiwa kiwa ym em chah ktah da em ki 28967 tylli wei dang yang yaka Result yong ki 500 tylli.
Na ki le tylli ki thaw Test wa em hapoh ka jylla, ha Pasteur Institute, Shillong da dep wow Test 2226 tylli wei dang yang ya 110 tylli wow pyndep, ha Tura 1887 tylli wei dang yang ya 110 tylli, ha NEIGRIHMS 26,458 tylli wei dang yang yaka Result ki 330 tylli.
Da pyntip u leh wa kiwa liwan hadooh ynne da em ki 23,551 ngut.
