Yoh COVID-19 uwi u Doctor ka Civil Hospital Shillong, daw khang ya ka OPD ha ka 24 tarik

Katkam ka yutip wa da yoh da ong wa uwi u Doctor (Anesthesiologist), ka Civil Hospital, Shillong da pyntikna wa yoh (Positive) COVID-19 u ha ka 22 tarik uni u bnai wei da yoh u ya uni u khñiang heipor wa sumaar u ya uwi u bru uwa yoh COVID-19 ha Covid Unit kani ka thaw sumaar wei hadien ini da mih ki dak wa uni u Doctor da chah ktah u ha uni u khñiang hadien wa sumaar u ya uni u bru (uwa da khlaad noh ha NEIGRIHMS).

Hanla i lai i wan uni u Doctor toh du ha ki kattu katni ki thaw ka Hospital wei ym em yajan u wa kiwon kiwon kiwa chah sumaar, tangwa da pyntip wa kitu kiwa yajan u (High-Risk Contact) kiwa em ha ka COVID Unit toh ki kiwa hap bood thij yaki kyndon khlem pep wei hap Test ki man ka 7 sngi wei wow leh yaka Quarantine katkam ki kyndon ka sorkar.

Kamtæ kam wow syndong da leh ya ki Test neibynta ki Secondary Contact (kiwa yachem pateiñ) wa kiwi ki wakreh kani ka Hospital. Da chim leh yaka nongmuna (Sample) na ki khnang wow leh ya ka RT-PCR Test. Katkam ki Report wa leh daka Antigen Test yong ki 330 tylli ki Sample yong ki High Risk wa Low Risk Contacts da chem wa man Negative ki katwa ka Report Antigen Test yong ki 16 ngut ki High Risk Contact hanla man Negative ko, da phah ya ki wow Quarantine ki ha ki jar jair ki thaw kamjooh da leh ya ka RT-PCR Test.

Katkam ki kyndon ka chnat i chait i khiah waroh kiwa ym em yajan (Low-Risk Contact) kiwa yoh Report Negative ye ki wow pteiñ yei kreh yong ki kamwa jooh.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Chooh chooh da khang yeiwa ye kiwa wan cha kani ka Hospital wow uiñ manda em ki hapoh kani ka Hospital ha kini ki sngi wow wan.

Ya i chim ya ka nongmuna na kiwa wan wa kiwi kiwi (returnees and other external contact) ym pyndep ha Civil Hospital, Shillong ha ka 24 tarik uni u bnai khamtam neibynta kiwa dang sah kiwa yachem wa uni u Doctor ha kani ka Hospital.

Ka OPD daw man ko kawa khang ha ka 24 tarik katwa ka Emergency Service u man ko kawa wai.

Da kyntu ya ki paidbah wa ym toh wow suba ya ki wakreh haka chnat i chait i khiah wei ki Community Covid-19 Management Committee da kyrpaad ya ki wow pyntikna ki wa ym em i hær’ngu ki paidbah neidaw wa ki wakreh ka chnat i chait i khiah man ki kiwa syndong bha.

Kani man ko katkam ka yutip na u Commissioner & Secretary ka sorkar Meghalaya, Health & Family Welfare Department.