U monri i chait i khiah ka jylla Meghalaya u AL Hek da pyntip u wa ka sorkar ye biang ko wow pynman yaka Lockdown ha sor Shillong wa ki thaw wa em chajan yong ka kamwa leh ini wa dep.
Da ong u wa yaka rai daw chim myntu manda chong ka sorkar yaka Review Meeting yow pyrkhat yei long i man katni khamtam wow booddien ya kiwa yachem wa u Doctor wa yoh COVID-19 ha Civil Hospital Shillong.
Da pyntip u leh wa kiwa yachem uni u Doctor nadooh kiwa yajan wa kiwa yachem pateiñ da em ki 800 ngut wei na kini 320 ngut da dep Test wei man Negative ki.
Da suba leh wa uni u Doctor da yoh u ya u COVID-19 heipor wa sumaar u ya ki BSF.
Heiyatoh won wa sa kawi kawa dang yap na u COVID-19 ha NEIGRIHMS kawa 67 snem kawa na Mawbah, Barapathar, Shillong; u Hek da ong u wa kani ka bru ym toh kawa lai wa wan na kiwi ki thaw wei ym tip neiwon yoh ko ya uni u khñiang heiwa kattæ ka khon ko leh toh kawa da yoh lang.
Kani ka bru da kit ya ka cha NEIGRIHMS hadien wa chem chitom ko wow riñ mynsien.
Hajrong ini waroh khamtam wow booddien lane wow leh yaka Contract Tracing, ka sorkar ye ko wow pynman biang yaka Lockdown.
