Da pynbna yaka Curfew wa le sngi ha Shillong

Shillong: Neidaw i long i man katni heiyatoh waka khlam COVID-19 hapoh ka District, ka jylla waka ri waroh kawi wei wow booh leh ki laad yada kamjooh yow boodien (Contact Tracing), u leh ya ki Test, Quarantine wa kiwi kiwi yow khang yei poor ka khlam COVID-19 ha Shillong wa ha East Khasi Hills District, ka District Magistrate, East Khasi Hills District da pynmih hukum ko haka 24^th July, 2020 hapoh ka Section 144 CrPC deilang waka Regulation 3 ka Meghalaya Epidemic Diseases, COVID-19 Regulations, 2020 yow pynkrehkaam yaka Curfew ha waroh kawi ka sor Shillong Urban Agglomeration wa ki thaw wa yajan nadooh pyrdi synyaw ka 26^th July, 2020 hadooh pyrdi synyaw ka 29^th July, 2020 iwa mut nadooh ka Monday hadooh ka Wednesday.

Ki thaw wow haap hapoh kani ka Curfew toh waroh kawi ka Municipal Area, ki Cantonment Area, waroh ki thaw wa em hapoh ka Mawlai wa Mawpat Blocks wa ki Census Town yong ki, waroh ki thaw hapoh ka Mylliem Block nadooh na Umshyrpi Bridge hadooh 7 Mile Upper Shillong, Madanrting, Mawblei, Laitkor, Nongkseh, Umlyngka, Lawsohtun wa Mawdiangdiang.

Kani ka hukum ym krehkaam ko ya ki pulit, ki chipai, ki wakreh ha ki chnat i chait i khiah, ki Hospital, ki Wholesale wa Retail Pharmacy, Fire & Emergency Service, MeECL, NEEPCO wa Power Grid, Food & Civil Supplies, PWD wa PHE Department, FCI, Shillong Municipal Board, Telecom, Communications & IT Services, Press, Print wa Electronic Media, Petrol Pumps, Indian Oil Corporation. I li booh yaki tadong LPG wa ki 1917 i-teams PMU.

Ini wa pynlait na kani ka hukum ym toh ya ki Frontier Headquarters BSF Campus, Umpling, Block– II ka Lumpyngngad, Nongrah Dongktieh, Block D ka Nongrimmaw (ki thaw wa haap cha tidiang ka Arbuthnot Road nadooh Lailad hadooh Old DGAR), Lower Lachumiere (Hopkinson Road nadooh Stephen Hall hadooh Gold Gym), Lower Lummawrie (nadooh i yung u Dr.P.K. War hadooh Super Care Building warim), Assam Rifles Signal Unit Campus, Demseiniong, Central hadooh Lower Nongrim Hills na Lailad hadooh Bamon Service Station, Nongmynsong Lumkdait, Malki Chinapatty,  Malki Nongshiliang, Rauf Ahmed Building Keating Road, Jhalupara, Lumshyiap Nongmynsong, Mawlai Umjaiur, Laitkor Pyllun, Mawlai Nongpdeng, Umshing Umjapung, Mawiong Rim, Mawbah Barapathar wa Oakland Municipality Quarters kiwa da pynbna kam ki Containment Area.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Katkam ka hukum, ym em khang yei lai ki kari wa kit ya ki mar wa emkaam (Essential Commodities), Security Forces, Medical Equipment wa kiwi ki jait mar (Goods) heiwa kiwa yah kari wa kiwa yarap ya ki hap ki wow leh ya ka Medical Screening katkam ki kyndon wa da booh.

Ka District Magistrate, East Khasi Hills da pynlait ko leh na kani ka hukum ya ka yung krehkaam ka Director of Information and Public Relations, Shillong kawa em ha Lower Lachumiere yow lait ko naka hukum Containment Order.

Ya ki Curfew Pass ye u yoh lyngba ka Online Application ha www.eastkhasihills.gov.in.