Ka seiñ Barato Pyllun Truck Four-wheel Shaktiman Pickup Owner Association (BPTFSPOA) da ekhublei wei da yaroh ko ya u MLA ka Mowkaiaw, u Nujorki Sungoh uwa da chimkhia wow chna pynmiat noh ya ka yingkieñ Rymphum Myntang kawa em hei maa neini wadep yeiwa ka seiñ leh da pynsñiaw ko yei mynsien wa khia ha uni u MLA hajrong ini.
Ka seiñ da ong ko wa ki paidbah ka thaaiñ da chem chitom bha ki ha i lai i wan, i lai yaw, wei hawa kit ya kiwa chitom cha Laskein CHC næ cha Jowai lyngba uni u sarok wa em kani ka yingkieñ kam ya ki chnong na Barato, Mukroh, Saba Maitdein, Iongkynshur, Iongkwang, Thangrain wa kiwi kiwi.
Ka seiñ da ekhublei ko leh ya ki sahep ka PWD wa da chimkhia yeini wei man ko leh kawa smat wow kreh wa ka chnat (PWD) khnang wow ye u pyndep ya u sarok heipor wa biang neibynta i bha i miat ki paidbah.
Kamtæ ka seiñ da kitbok ko ya u MLA wow dang ye u wow e chakri wa pura ya ki paidbah.
Kani man ko katkam ka Wyrta na u President ka BPTFSPOA, u A. Sungoh wa u General Secretary u C. Timung.
