Shillong: Ka sorkar da pynbna ko wa neidaw wa em wa yoh COVID-19 ha Nongsohphoh, Upper Mawprem, Block II, Golflink Khliehshnong, i yung ka Gentina Lyngdoh, Golflink Mawpun, Maxwelton Estate iwa sdang nadooh Harrison Bridge neiliang timun u sarok wa lai na Riblong hadooh Meghna Marak Building mar pyrchah yaka Arts & Culture Building, na liang tidiang ka Captain Clifford Road hadooh J N Bawri House wa Mawpat Block I & III wei neidaw wa em ki High Risk wa Low Risk Contact namo ki bru wa yachem wa kiwa yoh COVID-19 wei kamjooh kini ki thaw toh kiwa ye u chah ktah bha, wei yow ye leh u pyndep yaka booddien namo ka Contact Tracing, Quarantine, Testing wei Isolation yow yada yaki paidbah nei poor u COVID-19, neiliang ka District Magistrate, East Khasi Hills District da pynmih hukum ko ynne ka 25th July, 2020 wow pynbna ya kitai haneiñ kam ki Containment Areas yow khang yei psiah i mih ki bru na kini ki thaw.
Kani ka hukum da ong ko leh wa da khang yaki paidbah wow psiah cha kini ki Containment Areas wei kiwa sah hapoh kini ki thaw ym chah wow mih ki cha lait wei wow neh bait ki hapoh yung.
Da khang wow pynman ya waroh ki jait yalang paidbah kamjooh ki kaam khayi pateiñ.
Waroh ki dukan u man ki kiwa khang, wei yaki mar wa emkaam, ki dawai dachin daw leh lyngba ki bru wa da booh da ki bor District.
Waroh ki yung krehkaam sorkar, ki yong ki bru samen u man ki kiwa khang hadooh wa pynmih hukum da kamwi.
Kani ka hukum da ong ko leh wa ki Incident Commanders u man ki kam ki Supervising Officers kini ki Containment Area.
Kani ka hukum ym krehkaam ko ya ki wakreh hei chait i khiah, ki wakreh ka Shillong Municipal Board kiwa leh yei kaam yong ki kamjooh ki laad pathai khubor wa ki Petrol Pump.
Ya kiwa leh pyrchah daw pynchitom hapoh ka aiñ Disaster Management Act, 2005 wa IPC.
