Ki 5 tylli ki lieñsuiñ yapam ki chipai Indian Air Force (IAF), ki Dassault Rafale da mih ki ynne i step na Dassault Aviation Facility, Merignac, France.
Kini ki 5 tylli ki lieñsuiñ yapam kynthup ki ya le tylli ki lieñsuiñ wa samen pynhær namo Single Seater wa ar tylli kiwa ar ngut namo ki Twin Seater (wow esikai ya kiwa kwah u man Pilot).
Wow pynpoi ya kini ki lieñsuiñ yapam man ki ha ki ar bynta (Two Stages) wei u sdang chwa da ki chipai ka IAF, kiwa da chah hikai wow pynhær ya ki katwa i thap phñiang ha la’ær (Air to Air Refuelling) toh da ki hi deiwa yoh yarap na ki lieñsuiñ pyndap phñiang yong ka French Air Force.
Kini ki lieñsuiñ da yooluti wow poi ki ha Air Force Station, Ambala, ha ka 29 tarik uni u bnai iwa chong hei chah wei man i long i suiñ bneiñ. Ki lieñsuiñ wow tip kam ka No 17 Squadron, ya kiwa da e pyrtuid leh kam ki “Golden Arrows”, ha kani ka Airbase u pynchong ya kini ki lieñsuiñ yapam Rafale.
Kam wow pynkynmoo heini, ka India da soi soskular ko wa ka France ha u 2016 wow thied ya ki 36 tylli ki Rafale Fighter Jet hei dor T. 58,000 klur.
