Ka Dorbar Chnong Loom Soo Iung Newhill, Jowai hadien wada em wa yoh COVID-19 napoh ka chnong ka thaw yong ka, da kyrpaad joor ko yaki paidbah wow sñiawbha ki u dam chwa u lai u wan chapoh ka chnong Newhill kat wym pu kut i por wada pynman Containment Zone yaka chnong khnang wow yada nei poor uni u khñiang cha kiwi wan, neibhah wa kamwa waroh da yatip wa uni u khñiang man u uwa poor naka la-ær kamjooh deiwa yabi yajan uwi wa uwi.
Kamtæ da khut ka Dorbar Chnong ya waroh wow ya krehlang waka chnong yow yaleh pyrchah ya kani ka khlam u COVID-19 uwa da sdang u poor ha West Jaiñtia Hills.
Da kyntu ka Dorbar Chnong ya kiwa chong chnong leh wow ya krehlang deiwa chong jar jiar ki yung wei hawa mih na yung wow deiñ yaki Mask wei wow rah yaki Sanitizer, wei wow pyntip cha kiwa pynlai chnong hawa emkaam phi u mih u lai u wan.
Ki thaw psiah thaw mih chapoh chnong da khang lut wow psiah wow mih lait noh ya u National Highway wa lai lyngba ka chnong, da kyrpaad leh yaki kari wa ym hoi u sangeh ki ha Newhill lait noh kiwa da dep wow yoh bor naka chnong wow wan emaakam. Pynkut ka kyrwoh na u waheh chnong u R.W. Sdor.
