Da khang yaka yaw Lad Smit hadien wa em wa yoh COVID-19

by Wyrta Staff

July 27, 2020

Reading Time: 1 min read

Shillong: Ka District Magistrate, East Khasi Hills District da pynmih hukum ko haka 27^th July, 2020 wa da yoh yutip ko wa da em uwi u bru wa da pyntikna wa yoh COVID-19 u haka 27^th July, 2020.

Uni u bru toh uwa da yachem yajan wa kiwa dai dukan kamjooh ki bru wa lai wa wan haka yaw wa em ha Lad Smit haka 23^rd July, 2020. Kamtæ da khang ya yaka yaw Lad Smit hadooh wa pynmih hukum da kamwi.

Katkam wa ong ka hukum ka District Magistrate, East Khasi Hills District, waroh ki bru wa em ha yaw Lad Smit haka 23^rd July, 2020 da kyrpaad yaki wow leh ki yaka Quarantine wei ha kini ki por lada sdang ki wow chitom wow pyntip ki cha u 108 Helpline.