Kiwa dang chah ktah ha u COVID-19 ha kini ki 24 kynta hapoh ka ri India da em ki 47,703 ngut iwa da man kattu la 6 sngi itæ nadooh ka 23 tarik wa da em bait 40 hajar man-ka-sngi kiwa chah ktah, katkam ka yukheiñ ka Ministry of Health & Family Welfare deilang waka ICMR.
Na kiwa dang chah ktah, 35,175 ngut toh kiwa dang chait iwa da pynku ya waroh kiwa chait cha ka 64% iwa da man i sien wa nynkong. Kiwa dang em ya uni u khñiang da ku ki da 11,874 ngut wei da em leh sa 654 ngut kiwa yap.
Ki jylla wa boon dooh wa ku kiwa dang em ya u khñiang COVID-19 toh ka Karnataka 3,402 ngut, Andhra Pradesh 2,745 ngut, Telengana 1,489 ngut waka Tamil Nadu 1,193 ngut.
Ka Delhi dang pteiñ biang i hiar kiwa dang em ya uni u khñiang sa 910 ngut, ka Maharashtra leh da hiar ko da 1,009 ngut.
Haka ri, waroh kiwa da chait da em ki 64.24% iwa ku naka 63.92% kiwa da em waroh 952,743 ngut. Kiwa dang em ya uni u khñiang da em ki 33.51% iwa hiar naka 33.80% kiwa em waroh 496,988 ngut, wa 2.25% kiwa yap kiwa em waroh 33,425 ngut. Waroh da poi 14,83,156 ngut.
Kiwa chait da tam ki da 4,55,755 ngut ya kiwa dang em ya uni u khñiang iwa ku da 23,301 ngut nadooh ynnin.
