Ka Dorbar Chnong Mihmyntdu man ko leh kawi na ki chnong wa heh dooh ha Ri-loom Jaiñtia wei em ko leh i bynta wa khroo hei yakhun pyrchah ya ka khlam u COVID-19 nadooh wa sdang.
Ha kani ka kynti, ynne ka sngi da chong pyrkhat yillu ko heiyatoh wa ki kaam wa yatoh i poor syndet ka khlam Covid-19 hapoh West Jaiñtia Hills.
Kamtæ ka chnong da iwi i sur da rai ko wow khang pyrchah wow pynyieñ kari ha waroh chi lynter ki sarok wa em hapoh u pood u ang ka chnong Mihmyntdu.
Heiyatoh won wa kiwa wan emkaam da khang wow pynyieñ slem ki ya ki kari yong ki.
Ini i pynyieñ kari kynthup i ya ki kari khian, ki truck wa kiwi kiwi wei da khang pyrchah leh wow pynyieñ kari ka tymbud u sarok Jowai Bypass.
Heijooh i por ka chnong da khang pyrchah ko wow e yungwai ya ki bru na baar District, wa ki jylla.
Kamtæ ka chnong da kyntu ko ya ki paidbah wow bood ryntih ki ya kini ki kyndon neibynta i bha i miat lang waroh wei lym kamtæ daw pynchitom ya ki deiwa khor katkam ki kyndon ka aiñ chnong.
